jueves, 14 de enero de 2016

II Xornadas de Fiado Contidos e horario estimado

II XORNADAS DE FIADO ARTESANAL CABANAS RURAL


Deixamos os contidos e o horario estimado para os días 23 e 24 de Xaneiro, Sábado e Domingo. 


Non son necesarios coñecementos previos, prestaremos todos os útiles necesarios para realizar todolos procesos ata chegar a conseguir un fío dende unha ovella.


Aqueles que teñades algúnha ferramenta que se poida utilizar tamén a podedes traer, ainda que non a saibades usar, xa pensaremos.


Non esquezades anotarvos ou preguntarnos o que precisedes no tfno 659.620.948.


Disfrutaremos dunha fin de semán diferente, relaxante, divertida...


miércoles, 6 de enero de 2016

II Xornadas de Fiado



Dende Cabanas Rural, en colaboración con Do Acibreiro , preparamos as II XORNADAS DE FIADO ARTESANAL, unha grande oportunidade para aprender, coñecer ou descubrir un mundo apaixoante dunha arte milenaria que é a do fiado.

As xornadas son abertas a todolos que queiran participar, non é necesario ter coñecementos previos de fiado, xa que amosaremos e explicaremos todo o proceso polo miudo.


Os materiais que usaremos serán prestados por Do Acibreiro e Cabanas Rural, ainda que se alguén dispón dos seus propios tamén os pode traer, sobre todo aqueles que están pola casa e ninguén sabe como funcionan, eses tamén intentaremos ser capaces de polos a funcionar.


Celebraremolas dentro da aula de Lavandeira, ao lado do Pavillón, sendo o aforo limitado, aqueles que estén interesados en participar, rogamos nolo fagades saber o antes posible. Poderedes obter mais información no teléfono 659.620.948 ou ben a través do correo electrónico: cabanasrural@gmail.com.

 

 



domingo, 3 de enero de 2016

Calendario previsto para o 2016

Este é o calendario que temos previsto de Actividades que organizamos dende Cabanas Rural e que celebraremos en Lavandeira, Cabanas ao longo do 2016, algunha data pode sufrir variación.

Non aparecen neste calendario as viaxes das Fiandeiras de Cabanas Rural, das que iremos dando conta cando saibamos e teñamos confirmación de datas e lugares dos eventos nos que participarán.